உலக சுற்றுச்சூழல் தினம் /World Environment day

உலக சுற்றுச்சூழல் தினம் 1972-ம் ஆண்டு முதல் ஒவ்வொரு ஆண்டும் ஜூன் 5-ம் தேதி ஒரு கருப்பொருளை மையமாககொண்டு உலகமெங்கும் கொண்டாடப்படுகிறது.



இந்த தினத்தின் நோக்கமானது.....

• சுற்றுச்சூழல் குறித்த விழிப்புணர்வு.
• நீரும்,காற்றும் தூய்மையாக  வைத்தல்.
• இயற்க்கை வளங்கள் எல்லையற்றவை அல்ல. எனவே அவற்றை வீணாக்க கூடாது.

      

உலக புகையிலை ஒழிப்பு தினம்/ world no tobacco day

உலக சுகாதார நிறுவனத்தின்(World Health Organization) உறுப்பு நாடுகள் புகையிலையின் தீமைகளை, ஆபத்தை உலகிற்கு உணர்த்தும் வகையில் கொண்டுவரப்பட்ட தினமே 'உலக புகையிலை ஒழிப்பு தினம் '. 1988 ஆம் ஆண்டு முதல் ஆண்டுதோறும் மே மாதம் 31-ம் தேதி உலக புகையிலை ஒழிப்பு தினம் கடைப்பிடிக்கப்படுகிறது.

உலக செஞ்சிலுவை தினம் / World Red Cross Day

1859-ம் ஆண்டு இத்தாலியில் நடைபெற்ற போரில் பல்லாயிரக்கணக்கான வீரர்கள் படுகாயமடைந்து மருத்துவ உதவி இல்லாமல் தவித்தனர். போர் வீரர்களின் இன்னலை நேரில் கண்ட சுவிட்சர்லாந்து நாட்டை சேர்ந்த ஹென்றி டுனாண்ட் என்பவர் போரில் காயமுற்ற வீரர்களுக்கு உதவும் பொருட்டு ஒரு அமைப்பை நிறுவினார். அதுதான் 'ரெட் கிராஸ் சொசைட்டி'.  இவரது பிறந்த நாளான மே 8-ம் தேதி உலக செஞ்சிலுவை தினம் கொண்டாடப்படுகிறது.

உலக புத்தக தினம் / World book day

ஐக்கிய நாடுகள் சபை ஏப்ரல் 23-ம் தேதியை 'உலக புத்தக தினம்' என அறிவித்துள்ளது. படிக்கும் பழக்கத்தினை அனைவருக்கும் ஏற்படுத்துவதே இதன் நோக்கமாகும்.  

சர்வதேச தொழிலாளர் தினம் / Indernational Labour day

1885 -ம்  ஆண்டு அமெரிக்காவின் சிகாகோ நகரில் தொழிலாளர்கள் தங்கள் உரிமைக்காக குரல் எழுப்பிய நாள் மே மாதம் 1-ம் தேதி. இந்த தினத்தை உலகம் முழுவதும் உழைப்பாளர் தினமாக கொண்டாடப்படுகிறது.

உலக சுகாதார தினம் / World Health Day

'உலக சுகாதார தினம்' 1950 முதல்  ஆண்டுதோறும் அப்போதைய அவசியத்தை ஒட்டிய ஒரு கருப்பொருளில் ஏப்ரல் 7-ம் தேதி உலக சுகாதார நிறுவனத்தின் ( World Health Organization) ஆதரவில் கொண்டாடப்படுகிறது.

உலக தண்ணீர் தினம் / World Day For Water

ஐக்கிய நாடுகள் சபையின் தீர்மானத்திற்கு இணங்க 1993-ம் ஆண்டு முதல் ஒவ்வொரு ஆண்டும் ஒரு கருப்பொருளை மைய்யமாக கொண்டு மார்ச் 22-ம் தேதி 'உலக தண்ணீர் தினம்' கடைப்பிடிக்க படுகிறது.

உலக மனநல தினம் / World Mental Health Day

உலக மனநல மையம் சார்பில் 1992-ஆம் ஆண்டு முதல் ஒவ்வொரு ஆண்டும் அக்டோபர் 10-ம் நாள் 'உலக மனநல நாள் ' கடைப்பிடிக்கபடுகிறது.

உலக எய்ட்ஸ் தினம் / World AIDS Day

உலக எயிட்ஸ் தினம் 1988-ஆம் ஆண்டு முதல் ஆண்டுதோறும் டிசம்பர் 1-ஆம் தேதி கடைப்பிடிக்கபடுகிறது. இந்த தினத்தை 2004 வரை UNAIDS என்ற அமைப்பு ஏற்று நடத்தி வந்தது. 2005 முதல் உலக எய்ட்ஸ் பிரச்சார இயக்கம் நடத்தி வருகிறது. எய்ட்ஸ் என்பது Acquired Immune Deficiency Syndrome என்பதன் சுருக்கம் ஆகும்.

'உலக மனித உரிமை/ World human rights day

1948-ஆம்  ஆண்டு டிசம்பர் 10-ஆம் நாள் ஐக்கிய நாடுகள் சபை "உலக மனித உரிமை பேரறிக்கை " என உலக மாந்தர் அனைவருக்குமாக வாழ்வுரிமைகளை பிரகடனப் படுத்தியது. அந்த நாளை குறிக்கும் வகையில் ஆண்டுதோறும் டிசம்பர் 10-ஆம் தேதி உலகநாடுகள் அனைத்திலும் 'உலக மனித உரிமை               தினம்' கொண்டாடப்படுகிறது.